ମୌସୁମୀ ଋତୁ ପାଇଁ ଟିପିଏସ୍ଓଡିଏଲ୍ ପ୍ରସ୍ତୁତ

ବ୍ରହ୍ମପୁର, XX ଜୁନ, ୨୦୨୨: ଦକ୍ଷିଣ ଓଡ଼ିଶାରେ ବିଦ୍ୟୁତ ବିତରଣ ପାଇଁ ଟାଟା ପାୱାର ଓ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିଏସ୍ଓଡିଏଲ୍) ପକ୍ଷରୁ ଆଗାମୀ ମୌସୁମୀ ଋତୁ ସମୟରେ ଯେକୌଣସି ଜରୁରୀକାଳୀନ ସ୍ଥିତିର ମୁକାବିଲା କରିବା ଲାଗି ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ନିରବଚ୍ଛିନ୍ନ ବିଦ୍ୟୁତ ଯୋଗାଣକୁ ନିଶ୍ଚିତ କରିବା ଲାଗି କଂପାନି ଅନେକ ପଦକ୍ଷେପ ଗ୍ରହଣ କରିଛି ।

୨୪ ଘଂଟା ବିଦ୍ୟୁତ ପ୍ରଦାନ କରିବା ଲାଗି ବ୍ରହ୍ମପୁରରେ ଥିବା ଟିପିଏସ୍ଓଡିଏଲର ବିଦ୍ୟୁତ ଯୋଗାଣ ନିୟନ୍ତ୍ରଣ ବ୍ୟବସ୍ଥା (ପିଏସସିସି) ସମ୍ପୂର୍ଣ୍ଣ ପ୍ରସ୍ତୁତ ରହିଛି । ବ୍ୟାକ୍ଅପ୍ ସମାଧାନ ଭାବେ ଟିପିଏସ୍ଓଡିଏଲ୍ ପକ୍ଷରୁ ଜରୁରୀକାଳୀନ ସମୟରେ ବିଦ୍ୟୁତ ପ୍ରଦାନ କରିବା ଲାଗି ଭ୍ରାମ୍ୟମାଣ ସବ ଷ୍ଟେସନ ମୂତୟନ କରାଯାଇଛି ।

କଂପାନି ପକ୍ଷରୁ ଗ୍ରହଣ କରାଯାଇଥିବା ଅନ୍ୟାନ୍ୟ କିଛି ପ୍ରମୁଖ ପଦକ୍ଷେପଗୁଡ଼ିକ ମଧ୍ୟରେ ସାମିଲ ରହିଛି:

ସମସ୍ତ ସର୍କଲ୍, ପିଏସସିସି (ବିଦ୍ୟୁତ ଯୋଗାଣ ନିୟନ୍ତ୍ରଣ ବ୍ୟବସ୍ଥା) ଓ ସିଇଓଙ୍କ କାର୍ଯ୍ୟାଳୟ ଆଦିରେ ସାଟେଲାଇଟ୍ ଫୋନ୍ ସଂଯୋଗ
ମୌସୁମୀ ସମୟରେ ସୁରକ୍ଷିତ କାର୍ଯ୍ୟ ପରିବେଶ ପାଇଁ ଟିପିଏସ୍ଓଡିଏଲର ବ୍ୟବସାୟ ସହଯୋଗୀମାନଙ୍କ ଲାଗି ସୁରକ୍ଷା ପ୍ରସ୍ତୁତି
ହସ୍ପିଟାଲ୍, ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ସାର୍ବଜନୀନ ସ୍ୱାସ୍ଥ୍ୟ କେନ୍ଦ୍ର ଆଦିକୁ ବିଦ୍ୟୁତ ଯୋଗାଣ କରୁଥିବା ଫିଡରକୁଅଗ୍ରାଧିକାର ଭିତ୍ତିରେ ଭରସାଯୋଗ୍ୟ ବିଦ୍ୟୁତ ଯୋଗାଣ କରିବା
ରକ୍ଷଣାବେକ୍ଷଣ ଓ ବିଭ୍ରାଟ ସୁଧାରିବା ଲାଗି ଆବଶ୍ୟକ ଶ୍ରମ ଶକ୍ତି ଓ ଯାନ ଉପଲବ୍ଧତାକୁ ନିଶ୍ଚିତ କରିବା
ଟ୍ରାନ୍ଜିଏଂଟ୍ ଷ୍ଟୋର୍ ସମେତ ଅନ୍ୟ ଷ୍ଟୋର ଗୁଡ଼ିକରେ ବିଦ୍ୟୁତ ଟ୍ରାନ୍ସଫରମର, ବିତରଣ ଟ୍ରାନ୍ସଫରମର, ଖୁଂଟ, ତାର ହାର୍ଡଓୟାର ଓ ଏଲ୍ଟି ଏବିସି ଉପଲବ୍ଧତାକୁ ନିଶ୍ଚିତ କରିବା
ପୂର୍ଣ୍ଣ ପ୍ରସ୍ତୁତିର ଅନ୍ୟତମ ପଦକ୍ଷେପ ସ୍ୱରୂପ ସେକ୍ସନ ଅଫିସରେ ହେଭି ଡ୍ୟୁଟି ଟର୍ଚ ଓ ସର୍କଲ୍ ଏବଂ ଡିଭିଜନାଲ୍ ସ୍ତରରେ ଆସ୍କା (ପୋର୍ଟେବଲ ଜେନ୍ ସେଟ୍) ଲାଇଟର ବ୍ୟବସ୍ଥା
ଜରୁରୀକାଳୀନ ସ୍ଥିତି ପାଇଁ ପୁରୁଣା ବ୍ୟବସାୟ ସହଯୋଗୀଙ୍କ ସହ ରିଜର୍ଭ ଶ୍ରମ ଶକ୍ତି, ଟୁଲ୍ସ ଓ ପ୍ଲାଂଟ୍ (ଟିଆଣ୍ଡ୍ପି), କ୍ରେନ୍, ହାଇଡ୍ରା, ଏବଂ ପୋଲ୍ ମାଷ୍ଟର ର ବ୍ୟବସ୍ଥା

ଏହା ସହିତ, ଜରୁରୀକାଳୀନ ମାମଲାରେ ଗ୍ରାହକମାନଙ୍କ କଲକୁ ଠିକ୍ ସମୟରେ ପ୍ରତିକ୍ରିୟା ପ୍ରଦାନ କରିବା ଲାଗି ୨୪ ଘଂଟିଆ କଲ୍ ସେଂଟର (ଟୋଲ ଫ୍ରି ନମ୍ବର: ୧୯୧୨/ ୧୮୦୦ ୩୪୫୬ ୭୯୭)ରେ ସମ୍ବଳରେ ଉନ୍ନତିକୁ କଂପାନି ପକ୍ଷରୁ ନିଶ୍ଚିତ କରାଯାଇଛି । ମାଇଁ ଟାଟା ପାୱାର ମୋବାଇଲ୍ ଆପରେ ଗ୍ରାହକମାନେ ଯେକୌଣସି ସମସ୍ୟା ଉପରେ ସେମାନଙ୍କ ଅଭିଯୋଗ ଜଣାଇ ପାରିବେ କିମ୍ବା customercare@tpsouthernodisha.com ଇ-ମେଲ୍ କରିପାରିବେ ।

ଆଗାମୀ ମୌସୁମୀ ଋତୁରେ ସୁରକ୍ଷା ଆମ ସମସ୍ତଙ୍କ ପାଇଁ ଶ୍ରେଷ୍ଠ ପ୍ରାଥମିକତା । ଆମ ନେଟୱର୍କକୁ ସୁଦୃଢ଼ କରିବା ଓ ଯେକୌଣସି ଅଭାବନୀୟ ବିଦ୍ୟୁତ ସମ୍ପର୍କିତ ମାମଲାକୁ ଏଡ଼ାଇବା ଲାଗି ଆମ ଟିମ୍ ପ୍ରତ୍ୟକ୍ଷ ପଦକ୍ଷେପ ଗ୍ରହଣ କରିଛି । ଆମେ ନିୟମିତ ବ୍ୟବଧାନରେ ଯାଂଚ କରୁଛୁ ଏବଂ ଆମ ଗ୍ରାହକମାନଙ୍କୁ ଭରସାଯୋଗ୍ୟ ବିଦ୍ୟୁତ ଯୋଗାଣ ଲାଗି ଆମେ ପ୍ରତିବଦ୍ଧ ରହିଛୁ ବୋଲି ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ଅରବିନ୍ଦ ସିଂହ କହିଛନ୍ତି ।

ଗ୍ରାହକମାନଙ୍କ ପାଇଁ ଟିପିଏସ୍ଓଡିଏଲର ସୁରକ୍ଷା ନିୟମାବଳୀ:

ବିଦ୍ୟୁତ ଖୁଂଟ, ସବ-ଷ୍ଟେସନ, ଟ୍ରାନ୍ସଫରମର, ଷ୍ଟ୍ରିଟ୍ ଲାଇଟ୍ ଆଦି ପାଣିରେ ବୁଡ଼ି ରହିଥିବା ବିଦ୍ୟୁତ ବ୍ୟବସ୍ଥାଠାରୁ ଦୂରେଇ ରୁହନ୍ତୁ।
ପାଚେରୀ କିମ୍ବା ବାଡ଼ ପଡ଼ିଥିଲେ ମଧ୍ୟ ପିଲାମାନଙ୍କୁ ବିଦ୍ୟୁତ ବ୍ୟବସ୍ଥା ପାଖରେ ଖେଳିବା ଲାଗି ସତର୍କ କରାନ୍ତୁ ।
ଓଦା ହାତରେ ଇଲେକ୍ଟ୍ରିକ୍ ଉପକାରଣକୁ ସ୍ପର୍ଶ କରନ୍ତୁ ନାହିଁ ।
କୁଲର, ୱାସିଂ ମେସିନ, ପାଣି ପମ୍ପ୍ ଭଳି ଇଲେକ୍ଟ୍ରିକାଲ୍ ଉପକରଣର ବଡ଼ିରେ ବିଦ୍ୟୁତ ଲିକେଜକୁ ଯାଂଚ କରନ୍ତୁ । କୌଣସି ଉପକରଣରେ ଯଦି କିଛି ଲିକେଜ୍ ଥିବ ତେବେ ସେଥିପାଇଁ ସାର୍ଟିଫାଏଡ୍ ଇଲେକ୍ଟ୍ରିସିଆନଙ୍କୁ ଡାକନ୍ତୁ
ମିଟର ବକ୍ସ ପାଣିଠାରୁ ଉପଯୁକ୍ତ ଭାବେ ସୁରକ୍ଷିତ ଥିବା ବିଷୟକୁ ନିଶ୍ଚିତ କରନ୍ତୁ
ଆଇଏସଆଇ ମାର୍କ ଇଲେକ୍ଟ୍ରିକ୍ ତାର ଓ ଉପକରଣ ବ୍ୟବହାର କରନ୍ତୁ
ବିଦ୍ୟୁତ ଝଟକା (ସକ୍)କୁ ଏଡ଼ାଇବା ଲାଗି ଆର୍ଥ ଲିକେଜ୍ ସର୍କିଟ୍ ବ୍ରେକର୍ ସ୍ଥାପନ କରନ୍ତୁ ।